Gaurkoan, bero.

Ohetik altxatu, eta ipar poloa dirudien nire gela zeharkatu ondoren, sukaldera noa korrika goizero. Badakit bertan izango dudala zain; batzuetan hotz, besteetan, bero.

Gaurkoan, bero.

Atea ireki, eta esku biekin estu eutsi diot. Bere berotasuna nire gorputzean barrena zabaltzen hasi da.

Orain, alde egin ez dezan, bi eskuekin heldu diot. Nire ezpainak hurbildu ditut berarengana; haren berotasuna sentitzeaz gain, barruan izan nahi dut.

Ezpainekin ukitu bezain pronto, bere berotasuna sentitu dut nire barnean; nire eztarritik behera antzematen dut, eta bihotzaren albotik igaro da, helmugara iritsi den arte.

Ez dut une hau inoiz amaitzerik nahi. Goiz iluna eta hotza zirudien hura, berotu eta koloreztatzea lortu du.

Altxatu, eta zuzen begiratzen diot, orduan, beste egun luze bati aurre egin beharko diodala esaten diot. Azkenengo aldiz, nire barnean sentitu dut bere berotasuna.

Behin guztia amaituta, txorrota piztu eta ur hotzarekin berotasun guztia galdu du. Bihar goizean elkar ikusiko dugulakoan, gainontzeko kikarekin batera utzi dut bere apalean.

Historiaren istorioa, argudio ezaren ametsa

Argudiorik gabeko historiako ametsen munduaren istorioa...

A25

Gaur astelehena da; gaur, Emakumeen Aurkako Indarkeriaren Nazioarteko eguna da. Hala ere, astelehenero bezala, milaka eta milaka emakumeek jarraitzen dute erasoak jasatzen. Astelehen oro bezala, beldurrarekin iratzarri, eta beldurrarekin oheratuko dira. Zoritxarrez, gizarte moderno batean bizi garela uste dugun arren, oraindik duela ugari desagertuta egon beharko litzakeen eguna da gaurkoa. Hala ere, nik sinistu gura dut helduko dela eguna noiz ez dugu beharrik izango biktima diren emakumeei egun bat eskaintzeko, biktimarik gongo ez den egunean sinistu gura dut. Eta horrekin amestu nahi dut. Ordurarte, txoko hau emakume horieik guztien omenez.

Haurren nazioarteko eguna

Gaurko eguna egun berezia izan beharko litzake munduan. Gaur, haurren nazioarteko eguna da. Munduko toki ugaritan bizi diren milaka haurrek egun honen berri izango ez duten arren, gaurko ere haien guztien eguna da. Haiek ez dute egun hau ospatzerik izango, eta ziur aski, egunero bezala, gaurkoan ere, lanean jarraituko dute bizirik jarraitu ahal izateko. Egun honen bidez, gure gizartean bizi diren umeen eskubideak besterik ez ditugu aldarrikatzen. Argi dago gero eta behar handgiagoa dagoela haien eskubideak aldarrikatzeko, lehen mundua delakoan bizi garen arren, ume asko eta asko egoera traketsetan bizi baitira gure gizartean.

Baina gaurko egunean, ezin ditugu ahaztu, urteko 365 egunak lanean ematen dituzten haur horiek guztiek. Egoera traketsetan bizi direnak eta dirurik ez dutenak bizi baldintza egokiak izan ahal izateko. Gaurko eguna lanean emango duten arren, haien omenez ospatuko dut nik gaurko eguna. Haien eskubideen omenez eta berdintasunaren omenez (berdintasun ekonomikoa).

Ariane

Gaurkoan testu bat idatzi ordez, egun euritsuetan entzutea ezinbesteko zaidan olerki sorta osatzen duen Ariane olerkia:

Zoriontsu bizi

       Aste osoa ematen dugu ostiralaren zain. Ikasturte osoa ematen dugu udako oporren zain. Bizitza osoa ematen dugu zoriontasunaren zain. Baina zergatik ez dugu, bada, zoriontasuna bilatzen eta zoriontasunaz gozatzen? 

       Itxaroten bizi baino nik nahiago dut zoriontsu bizi. Zoriontsu egiten nauten momentuak gozatu eta itxarotea tokatzen zaidan egunetan, zoriontasun hori oroitzapenen kutxatik atera, eta une horiek gogoratzen zoriontsu itxaron. Zoriontasuna gure eskuetatik ihes egiten du sarritan, baita gure ingurutik ere. Horregatik, horren bereziak diren une horiek beti daramat nirekin, une eta petsona(k). Egunetik egunera aurrera egiten laguntzen didatenak. Eta haien presentzia hutsak zoriontsu egiten nau. Askotan, haien presentzia ez ezik, nire bildumaren parte direla jakiteak ere zoriontsu egiten nau. Urrun dauden egunetan, gelako hormara begiratu eta haien argazkiak begiratzen ditut, argazkiak baino askoz gehiago dira irudi horiek: zoriontasuna dira. NIRE ZORIONTASUNA. Haiek guztiak baitira nire zorionasunaren parte eta arrazoi nagusia.

"Zoriontasunez ezkutatzen dugu tristura edo tristuraz ezkutatzen dugu zoriontasuna?"

Errutinaren preso bizi garela entzuten dugu maiz. Hori dela  eta, errutinaren alde ilunena eta errutinaz kanpoko mundu koloretsua islatu gura izan dugu laburmetrai honen bidez:

Klikatu hemen laburmetraia ikusteko